Monday, August 17, 2009

Solat Hajat Syahdu..Edisi Loghat Klate

بسم الله الرحمن الرحيم

السلام عليكم ورحمة الله وبركاته



Ibadah kita benteng pertahanan kita..

****
Harap maaf sekiranya entry ini tidak merangkupi semua kumpulan sasaran..dan tidak difahami oleh sesetengah pihak..

****

Oh bule come sungguh tuhe wat mu..sedak mato nengok sapa tok puah..bilo kelih skali nok tengok skali pulok...(jgn terpedaya skrg ni bulan xde..hehe )

Male tuh aku g masjik mace biaso lah g naik belale tepo..moto tu la banyok bejaso pado aku..nok pulok aku bawok dio g masjik suko la dio...( jgn terpedaya moto mana leh suka..hehe )

Aku masuk jah masjid tibo2 tok bilal komak..sedamolek mujor xmasbuk..aku pon cepat2 g naik sof ptamo..acu baru jah aku nk konsentrek..tibo2 tok ime pulok royak sobendo..

Dia royaak..."tue2 male ni kito nok wat
semaye ajat.. nok mitok tuhe angkat smula balo bencano..terutamo hok belaku loni H1N1..mitok tue2 bersama la pas ngorib kito wat slaluh.."
( jgn terpedaya tok imam tu sebanarnya xcakap klate tp cakap pergak..hehe )

Dipendekke crito lepah maye ghorib tuh tok ime pon jeput lah ustak Termizi jdi tok ime maye ajat..Nok crito sikit sebenarnyo ustaz termizi tuh kalu male tuh dia ngaja... tu la dio ado kat masjid kg bahagio male tuh..ust termizi dio ngaja usuluddin..tapi meme sedak dio ngaja tauhid nih..meme ore kato berjeliro bilo dio tere pasa akidoh..
( jangan terpedaya Kg Bahagia nama kg je tp org nye xsemua bahagia xsb xramai g masjid..hehe )

Ustaz Termizi pon naik g depe..pah tu dio royak cikit..mulo2 dia baca ayat Qur'e skali nge maksud dio..ayat tu bermaksod ;

" ”Telah tampak kerusakan di daratan dan di lautan disebabkan oleh perbuatan tangan manusia supaya Allah menimpakan kepada mereka sebagian dari (akibat) perbuatan mereka agar mereka kembali (ke jalan yang benar)” (surat Ar Rum ayat 41)

Pahtu dio royak.." tue2 kito ni pesaloh..banyok doso..sebab kito wat banyok dosa tu lah tuhe vi mace2 balo bencano loni..Kito keno mintok apon denge tuhe keno banyok istighfar maye tobat..jadi sbelom kito maye ajat ni mari samo2 kito istighfar dulu mintok2 tuhe apon doso kito..
( jangan terpedaya apon tu ialah keampunan bknnye apong enak dimakan..hehe )

Sungguh terasa aku bilo ustaz termizi royak gitu..meme betul! balo bencano hok blaku loni n
ih bukenyo sebab lain..meme sebab doso2 manusio...kito xleh napi dok benda tuh... pahtu pulok tuhe sdiri royak lagu tuh..kito kena cayo..meme wajib keno cayo..

Pastu abih maye ustaz pon baca doa..dale doa ni lah dio sebut kut baso melayu..teraso dale hati bilo dio baca doa..sedih jugok..semo makmun lain pon braso sed
ih jugok..doa ustaz banyok merintih mendayu2 mitok apon ko tuhe.." Ya Allah amponkan doso2 kami.." banyok kali diule2..
( jangan terpedaya lau pun ustaz dah doa tp eloknya semua kena doa jgk..hehe )

Syahdu weh maye ajat male nih..kawe nok pese ko saing2 sebab doso kito la berlaku banyok bala loni nih..Kito keno banyok mitok apon..

Sekian du
lu la..wassalam!

********

KAMUS BAHASA KLATE

bule : Bulan
tuhe : Tuhan
kelih : Melihat
berjeliro : lebih terasa/lebih faham
sedamolek : sebaik saja
sobendo : satu perkara
tok ime : Tok Imam
royak : Bagi tahu
semaye : Solat
loni : Sekarang
meme : memang
male : Malam





********************
p/s :lama weh xkecek bahaso ibundaku....kalu sapo2 ado baco kalu rasa xkeno rayak buwi weh..teringat kapong weh.lamo x klik ..nk make nasi nge budu..ngehehe

3 comments:

  1. suke dgr dialek sbelah pantai timur.. tapi slalu tak paham ape dia org cakap... huhuhu..

    ReplyDelete
  2. to faarihin :
    Unik bhaso klate nih sy sendiri pon da bnyak xth istilah org dulu2..da moden katakan ..hehe
    nk paham bahaso klate try la mkn budu..hikhik

    ReplyDelete
  3. salam sobat
    entrinya bagus dan bermanfaat bagi pembaca blog ini kok,,tidak ada yang perlu minta maaf sobat.

    tetap semangat blogging ,walau sedang berpuasa.

    ReplyDelete

Boleh di Baca juga

Related Posts with Thumbnails